MADRID YAMPASUA DROGBA NA GALASARAY YAKE, MALAGA YAISHINDWA DORTIMUND

Real Madrid ya Jose Mourinho imejiweka katika nafasi nzuri ya kusonga hadi hatua ya nusu fainali baada ya kuichapa Galatasaray ya Uturuki kwa mabao 3-0.

Mabao ya Madrid yalipachikwa na Cristian Ronaldo, Karim Benzema na Gonzalo Higuain na kuwaacha wageni waliokuwa wanaongozwa na Didier Drogba wakitoka patupu.

Madrid walionyesha mchezo wa kujiamini zaidi na kutawala mchezo kwa kiasi kikubwa hasa katika kipindi cha pili, wakati Drogba alionekana kufurukuta katika kipindi cha kwanza, lakini hakuwa na madhara kwa difensi ya Mourinho iliyoongozwa na Sergio Ramos.

Wiki moja baadaye, Madrid itakuwa ugenini jijini Istambul kusaka sare au ushindi ili kusonga mbele.

Wakati wenyeji hao watatakiwa kushinda kuanzia mabao manne ili kupata nafasi ya kusonga mbele katika hatua ya nusu fainali.

Mechi nyingine ya usiku huu imepigwa mjini Malaga na wenyeji wakashindwa kufurukuta dhidi ya Borussia Dortimund.

Mechi hiyo kati ya Malaga na Dortimund imemalizika kwa sare ‘tasa’, hali inayoilazimisha kila timu kutakiwa kusaka ushindi katika mechi ya pili mjini Dortimund, Ujerumani.