SAMATTA, ULIMWENGU KUIKOSA STARS MECHI YA KWANZA

Washambuliaji wa TP Mazembe, Mbwana Samatta na Thomas Ulimwengu wataikosa mechi ya kirafiki ya Taifa Stars dhidi ya Sudan mjini Addis Ababa, Juni 2.

Stars inatarajia kuondoka nchini Mei 26 kwenda Ethiopia kwa jili ya mechi ya kirafiki kabla ya kwenda Morocco kwa ajili ya mechi hiyo ya mashindano.

Wachezaji hao watakuwa na kibarua siku hiyo wakati TP Mazembe itakapokuwa inapamabana na Liga M mjini Maputo, Msumbiji katika mechi ya Kombe la Shirikisho.

Katika mechi ya kwanza, TP Mazembe ikiwa nyumbani iliikung’uta Liga M kwa mabao 4-0, Samatta akifunga moja.

Hivyo inaonekana haitakuwa mechi ngumu kwao, lakini TP Mazembe imeamua wajiunge na Stars moja kwa moja ikiwa Morocco Juni 4.

Stars itakuwa tayari imetua Morocco tayari ikifanya maandalizi ya mwisho ya mechi dhidi ya wenyeji Juni 8, mechi ya kuwania kucheza Kombe la Dunia mwakani nchini Brazil.

Katika mechi ya kwanza jijini Dar, Stars iliwapa Waarabu hao mzigo wa mabao 3-1.