SCOLARI AWATOSA KAKA, RONALDINHO, ALVES KIKOSI CHA BRAZIL

Kocha wa timu ya taifa ya Brazil, Luiz Felipe Scolari amewatosa wakongwe Ronaldinhona Kaká katika kikosi chake kitakachoshiriki michuano ya Confederations Cup inayoanza Juni, mwaka huu.

Michuano hiyo huwa ni sehemu ya Kombe la Dunia, pamoja na kuwatosa wakongwe hao, Scolari amewaita Neymar, Lucas Moura, Fred na Oscar kama wachezaji nyota zaidi.

Kati ya watu walioitwa na kuwashangaza wengi ni kiungo Jadson wa São Paulo na Bernard anayetarajiwa kujiunga na Atlético Mineiro.

Pamoja na Neymar, Fred na Oscar, kocha huyo amemchukua mshambuliaji mwenye mabavu Hulk anayekipiga FC Zenit Saint Petersburg.

Kocha huyo anajulikana kwa kuwa na misimamo mikali muda wote na amekuwa hajali kelele za watu hata kidogo.

Wengine ambao amewaacha katika kikosi chake wakati walitegemea kuitwa ni mshambuliaji wa Corinthians, Alexandre Pato, pia kiungo wa  Chelsea, Ramires. Wengine aliowatosa ni beki wa kushoto wa Real Madrid, Marcelo na beki wa kulia wa Barcelona, Daniel Alves.

 Brazil itacheza na Japan katika ufunguzi wa Confederations Cup, mechi hiyo itachezwa Juni 15 mjini Brasilia. Baada ya hapo, siku nne baadaye  Brazil itacheza na Mexico ambao ni wapinzani wao wakubwa.

Kikosi kamili cha wachezaji 23 alichoteua Scolari, hiki hapa;

Makipa: Julio Cesar (Queens Park Rangers-GBR), Jefferson (Botafogo) and Diego Cavalieri (Fluminense). - Walinzi: Daniel Alves (Barcelona-ESP), Jean (Fluminense), Marcelo (Real Madrid-ESP), Filipe Luis (Atlético de Madrid-ESP), Thiago Silva (Paris Saint-Germain-FRA), Dante (Bayern Munich-GER), David Luiz (Chelsea-GBR) and Réver (Atlético Mineiro). - Viungo: Paulinho (Corinthians), Oscar (Chelsea-GBR), Hernanes (Lazio-ITA), Luiz Gustavo (Bayern Munich-GER), Fernando (Gremio), Jadson (São Paulo) and Bernardo (Atlético Mineiro). - Washambuliaji: Neymar (Santos), Lucas Moura (Paris Saint-Germain-FRA), Fred (Fluminense), Hulk (Zenit-RUS) and Leandro Damião (Internacional).