KIIZA KUONDOKA KESHO KWENDA LEBANON

Mshambuliaji wa kimataifa kutoka nchini Uganda anayechezea klabu ya Young Africans Hamis Friday Kiiza 'Diego' kesho jioni anaondoka kwenda Lebanon.

Kwa mujibu wa mtandao wa klabu ya Yanga, mshambuliaji huyo amepewa ruhusa ya kwenda Lebanon kufanya majaribio ya siku 7.

Klabu ya Al Ahed SC inayoshiriki Ligi Kuu ya nchi hiyo imeonekana kuvutiwa na Mganda huyo ambaye amerejea Yanga siku chache zilizopita.

Kabla ya hapo, Kiiza aligoma kurejea Yanga akitaka kuongezwa dau na Jangwani wakamsajili tena kwa dau la dola 35,000.