MBUYU TWITE ASHONWA MDOMO, NI BAADA YA MECHI DHIDI YA AZAM

Beki kiraka wa Yanga, Mbuyu Twite, ameshonwa nyuzi moja mdomoni baada ya kuchanika kutokana na kugongana na mshambuliaji wa Azam FC, Gaudence Mwaikimba.

Nyota huyo raia wa DR Congo, aligongana na mshambuliaji huyo wakati timu hizo zilipocheza mechi ya Ngao ya Jamii juzi kwenye Uwanja wa Taifa, Dar es Salaam na Yanga kushinda bao 1-0.

 Daktari Mkuu wa Yanga, Nassor Matuzya, alisema kuwa beki huyo baada ya kuchanika mdomoni, damu zilimtoka kabla ya kumshona.

Matuzya alisema beki huyo anaendelea vizuri na anatarajiwa kuendelea na mazoezi ya pamoja na wenzake katika kujiandaa na Ligi Kuu Tanzania Bara.  

“Mbuyu nilimshona nyuzi moja mdomoni mwake baada ya kugongana na Mwaikimba wakati anajiandaa kuokoa mpira.

“Nilimshona muda uleule wakati mpira unaendelea kabla ya kuingia kumalizia dakika zilizobakia za mechi hiyo, hivi sasa anaendelea vizuri na ataendelea na mazoezi kujiandaa na ligi kuu,” alisema Matuzya.

SOURCE: CHAMPIONI