MICHO AITUMIA TAIFA STARS KAMA SOMO

 

Kocha Mkuu wa Uganda, Sredojevic Milutin amesema bado anatafakari kazi kubwa waliyoifanya kuing’oa Taifa Stars na kupata nafasi ya kucheza michuano ya Chan.

Milutin maarufu kama Micho amesema haikuwa kazi lahisi kwa kuwa Stars ni timu yenye uwezo wa juu.

“Unajua watu wengi wanaona suala hili ni kama dogo au ilikuwa lahisi sana, ila Taifa Stars ni timu imara sana.

“Kuitoa ni jambo kubwa kwetu, kwa kuwa ilikuwa changamoto ya juu, imetusaidia sisi kujijenga zaidi.

“Najua itatusaidia na mara kadhaa nimekuwa nikiwakumbusha wachezaji.

“Hivi karibuni tunaingia kambini kujiandaa na mechi za awali kucheza Kombe la Dunia na ikiwezekana tutaweka kambi nje ya hapa,” alisema Micho.

Kikosi chake cha The Cranes kiliichapa Taifa Stars kwa jumla ya mabao 4-1, kikianza kushinda Dar kwa bao 1-0 kabla ya ushindi mnono wa 3-1 mjini Kampala.