MILOVAN AJIPANGA KUONDOKA KUWAIT

Kocha wa zamani wa Simba, Milovan Cirkovic amesema atarejea kwao Serbia na kuachana na kazi.

Milovan ambaye sasa yuko nchini Kuwait akiinoa timu ya Al Sad upande wa kikosi cha vijana.

Akizungumza kutoka Kuwait City, Milovan alisema ofa aliyopewa anaona ni ndogo.

“Najaribu kuzungumza nao kama watakubaliana nami basi waongeze.

“Lakini ishindikana nitarejea Serbia kuwa siwezi kufanya kazi katika kiwango cha fedha wanachotoa,” alisema.

Timu yake ya mwisho ilikuwa Simba ambayo pia ilikatiza mkataba wake na kuchelewesha malipo yake hadi alipojitokeza Malkia wa Nyuki na kumlipa.