TELELA ATAMBA KUENDELEA KUTIKIZA NYAVU

TELELA (KUSHOTO) AKIBADILISHANA MAWAZO NA TEGETE

 

Kiungo wa Yanga aliyepeleka furaha Jangwani kwa kufunga bao pekee dhidi ya Azam na kuipa timu yake Ngao ya Jamii, Salum Telela, amesema mashabiki wa timu hiyo wategemee makubwa zaidi kutoka kwake.

Telela ambaye alikaa msimu uliopita bila kucheza kutokana na kuuguza majeraha, alisema mashabiki wa Yanga wajiandae kupata mazuri kutoka kwake kutokana na kumvumilia kipindi chote cha matatizo yake.

Alisema hakukata tamaa licha ya kukaa muda mrefu bila kucheza, badala yake alimuomba Mungu na alipopona tu akaanza kujifua kwa nguvu na matunda yake yanaanza kuonekana.

“Sikukata tamaa kwa kuwa nilikaa muda mrefu bila kucheza, nashukuru nimerejea na mambo mazuri yameanza kuonekana, hivyo mashabiki wajiandae kupata zaidi ya haya,” alisema Telela.