CASILLAS ATWISHWA MZIGO WA DIDIER DROGBA..

Iker Casillas ataanza katika kikosi cha kwanza kwa mara ya kwanza msimu huu katika mechi ya mashindano wakati Real Madrid itakapoivaa Galatasaray jijini Istambul, Jumanne.



Mechi hiyo ya Ligi ya Mabingwa Ulaya ni mtihani kwake kwa kuwa atalazimika kuzuia michomo ya mshambuliaji Didier Drogba anayeichezea timu hiyo ya Uturuki.

Uwanja wa Turk Telegom jijini Istanbul unajulikana kwa kuwa na presha kubwa, lakini tayari Kocha Carlo Ancelotti ameishatangaza kwamba kipa huyo ataanza mechi hiyo.


Hivi karibuni kocha huyo Muitaliano aliweka wazi kwamba Casillas atacheza katika mechi za Copa del Rey wakati Diego López ataendelea kudaka katika mechi za La Liga.