YANGA YAANZA MAZOEZI GYM, MANJI AINGIA GHAFLA NA KUJUMUIKA NA WACHEZAJI

Wakati mabingwa wa soka Tanzania, Yanga wameamua kuhamishia mazoezi katika gym, Mwenyekiti wao, Yusuf Manji leo aliungana nao ghafla na kufuatilia kwa karibu kila kilichokuwa kinaendelea.

Katika mazoezi hayo yaliyofanyika kwenye Gym maarufu ya Rio iliyo katika jengo la Quality Centre jijini Dar, wachezaji hao walikuwa wakiendelea na mazoezi chini ya benchi la ufundi linaloongozwa na Ernie Brandts.

Baada ya kuingia katika Gym ya Rio, Manji alisimama mlangoni pamoja na daktari wa timu, Nassor Matuzya na kuendelea kufuatilia kwa karibu kila kilichokuwa kinaendelea.

Yanga ilikuwa katika programu ya Gym na kesho itaendelea na mazoezi kama kawaida kwenye Uwanja wa Shule ya Sekondari ya Loyola.

Yanga itarudi tena uwanjani Jumapili kuwavaa Mtibwa Sugar ambao watakuwa wageni wao kwenye dimba la Taifa.