KIPA ALIACHWA SIMBA APANGA KUHAMIA MALAWI

Kipa wa zamani wa Simba, Andrew Ntalla anatarajia kwenda nchini Malawi kufanya majaribio ya kucheza soka la kulipwa kwenye klabu mbili tofauti.

Ntalla aliachwa na Simba kwenye usajili wa dirisha dogo kutokana na kuonyesha kiwango kidogo ikiwa ni msimu wake wa kwanza tangu alipotua klabuni hapo akitokea Kagera Sugar.

 
Ntalla alisema anasubiri mwaka mpya upite ndipo aende kufanya majaribio katika timu hizo ambazo alidai ni mapema kuzitaja kwa kuwa mambo bado hayajakamilika vizuri.

“Nashukuru nimeshamalizana na Simba, mchakato wa kunitafutia timu umefanywa na meneja wangu raia wa Malawi ambaye alikuwa akinifahamu tangu nipo Kyela, Mbeya,” alisema Ntalla.