LOGARUSIC ALIA NA JOTO LA BONGO

Kocha Mkuu wa Simba, Zdravko Logarusic amelalamika kwamba joto kali linampa wakati mgumu.

Logarusic amesema kiwango cha nyuzijoto hadi zaidi ya 30 kinamchanganya kutokana na mazingira aliyokuwa anaishi.

“Kwetu Croatia kiwango cha baridi ni kikali kwa kipindi hiki, kipo hadi chini ya tano (-5C).

“Sasa hapa joto ni juu ya thelathini, si kitu kidogo nakuambia. Nachanganyikiwa na ninalazimika kunywa maji mengi sana.

“Lakini sina ujanja, ndiyo kazini kwangu na nitalazimika kuendelea hadi nitakapozoea,” alisema.

Pamoja na kujitahidi, lakini Logarusic amelazimika mara nyingi kunywa maji au kutumia jezi yake kufuta jasho usoni mwake.