TAMBWE ACHARUKA KUSIKIA ATAKATWA MSHAHARA NA MZUNGU

Mshambuliaji wa kimataifa wa Simba, Amissi Tambwe amesema hatakubali kukatwa mshahara wake na kocha mpya wa klabu hiyo, Mcroatia, Zdravok Logarusic, baada ya kuchelewa kujiunga na wenzake mazoezini.

Hivi karibuni kocha huyo wa Simba alidai kuwa atawakata mishahara wachezaji wote waliochelewa kuripoti mazoezini bila kutoa taarifa.

Tambwe amesema kuwa, wakati akiondoka Bongo, aliambiwa atapewa taarifa ya lini wataanza kambi lakini hadi mazoezi yameanza hajapata taarifa yoyote.

“Mimi siwezi kukubali kwa kuwa hawajatupa taarifa kama wameanza mazoezi, tunasubiri mpaka watupe taarifa wao wenyewe,” alisema Tambwe ambaye yupo nchini Burundi.