Mwamuzi Israel Mujuni Nkongo ameteuliwa na
Shirikisho la Soka (CAF) kuchezesha mechi ya marudiano ya Kombe la
Shirikisho (CC) Afrika kati ya wenyeji AFC Leopards ys Kenya na SuperSport
United ya Afrika Kusini.
Mujuni katika mechi hiyo
itakayochezwa kesho (Machi 8 mwaka huu) jijini Nairobi, Kenya atasaidiwa na
Samuel Mpenzu, Josepht Bulali wakati mwamuzi wa mezani atakuwa Ramadhan Ibada.
Kamishna wa mechi hiyo ni Amir Hassan
kutoka Mogadishu, Somalia. SuperSport United ilishinda mechi ya kwanza
iliyochezwa wiki mbili zilizopita mabao 2-0.
0 COMMENTS:
Post a Comment