UHURU ACHOKA DHARAU SIMBA, ATANGAZA KUONDOKA ZAKE

Kiungo wa Simba, Uhuru Selemani amesema amebakiza muda mchache wa kuendelea kuitukia timu hiyo kwa kuwa tayari ameshapata dili la kucheza soka la kulipwa nchini Ufaransa, pia hata klabu yake hiyo imeonekana kumdharau.

Uhuru amesema kuwa kitu kinachomuondoa Simba ni kutothaminiwa na pia anatumia muda mwingi kujitoa kwenye timu hiyo lakini fadhila zake ni chache.

Alisema kuwa anatumia muda mwingi kufanya mazoezi lakini matokeo yake nafasi ya kucheza uwanjani ni ndogo, kitu ambacho kinamvunja moyo na kuonekana kama hana thamani, hivyo ni bora aondoke.

“Ungekuja mazoezini uone ninachofanya halafu siku ya mechi nacheza muda mdogo sana lakini mashabiki wanatamani niwe nacheza kwa kipindi kirefu hii inavunja moyo kuliko maelezo,” alisema Uhuru.

Aliongezea kuwa toka alipoichezea Simba, hajawahi kulalamika hivyo wakiona mtu analalamika lazima wamsikilize. “Kitu ninachoshukuru muda wangu umebaki mchache kuichezea Simba, nitaondoka kuangalia maslahi yangu huko na wala sitatoroka,” alimalizia Uhuru.