UEFA CHAMPIONS LEAGUE, NI FAINALI YA KINA MADRID

Hata useme vipi lakini ukweli ni kwamba Atletico Madrid wamelichakaza basi la Chelsea na kufanikiwa kutinga fainali ya Ligi  ya Mabingwa Ulaya.

Wakiwa ugenini Stamford Bridge, Atletico wameshinda kwa mabao 3-1 na wanakwenda Lisbon Ureno ambako watavaana na watani wao wa jadi Real Madrid.
Chelsea ndiyo walikuwa wa kwanza kupata bao katika mechi hiyo ya pili ya nusu fainali baada ya sare ya suluhu mjini Madrid. Mfungaji akiwa Fernando Torres.
Lakini dakika moja kabla ya kwenda mapumziko Atletico wakasawazisha kupitia Adrian walipoanza kupindi cha pili, Diego Costa akafunga bao la pili kwa penalty baada ya kuangushwa na Samuel Eto’o.
Wakati Chelsea wakipambana kusawazisha, Arda alifunga bao la tatu lililokuwa linafanana na lile la kwanza ikionekana ni mfumo maalum kwa ajili ya kuibomoa Chelsea inayosifika kwa kupaki basi
Kutokana na ushindi huo, maana yake fainali hiyo itazikutanisha timu za mji wa Madrid, zote zikiwa na jina la Madrid na zina upinzani mkubwa kisoka, hivyo unaweza kuiita fainali ya kina Madrid.