MAN CITY YAITUNGUA ASTON VILLA 4-0, UBINGWA BADO MKIA TU

Man City wamemla ng’ombe mzima na sasa wamemaliza mkia tu.

Ushindi wao wa mabao 4-0 dhidi ya Aston Villa, maana yake wanatakiwa kushinda mechi yao ya mwisho dhidi ya West Ham United wakiwa nyumbani Etihad na kubeba kombe la Ligi Kuu Englan.

Ushindi wa leo wamefikisha pointi 83 wakifuatiwa na Liverpool wenye 81.

Liverpool ndiyo timu nyingine yenye nafasi ya kutwaa ubingwa kama itashinda mechi ya mwisho dhidi ya Newcastle na City wapoteze dhidi ya West Ham.

Katika mechi ya leo, Edin Dzeko alipiga mabao mawili, halafu Jovetic kabla ya Yaya Toure kuwakimbiza mabeki watatu wa Aston Villa kutokea katikati ya uwanja na kupachika bao la nne katika dakika ya 90.