SIRI ZA PLUIJM ZAFICHUKA, MRITHI WA DOMAYO NI MGHANA, HUYU HAPA

ZUTTA

Pamoja na kuondoka, kwenda nchinI Saudi Arabia, Kocha Hans van Der Pluijm ameanza mazungumzo na kiungo, Joseph Tetteh Zutah wa Medeama SC ya Ghana kuziba pengo lililoachwa na Frank Domayo.

Kabla ya kuchukua uamuzi wa kuondoka Yanga na kujiunga na Shoala SC ya Saudi Arabia tayari Pluijm alimpendekeza Zutta kuchukua nafasi ya Domayo ambaye alisisitiza amekuwa havutiwi na uchezaji wake.

Championi Jumamosi limenasa mazungumzo kati ya wakala kutoka Ghana aitwaye Richard wakiwasiliana kuhusiana na kiungo huyo.

Pluijm amemueleza Richard kwamba atawasili nchini Ghana baada ya siku chache kwa ajili ya kutafuta wachezaji wawili kwa ajili ya Yanga ambao ni mshambuliaji na kiungo mkabaji.

Kuhusiana na kiungo huyo, Pluijm ametoa sifa zake ikiwa ni pamoja na uwezo wa kukaba, kumiliki mpira na kupambana vilivyo mambo yanapochafuka, yaani wanapokuwa wamezidiwa.

Lakini kwenye ujumbe huo mfupi, Pluijm akamtaja Zutta kuwa ndiye chaguo lake na hivyo apewe taarifa kuhusiana na ujio wa Mholanzi huyo aliyewahi kuwa kocha wake.

“Habari yako Richard, mimi ni Kocha Hans van der Pluijm, nataka wachezaji wawili kutoka Ghana, mshambuliaji na kiungo mwenye uwezo wa kupambana, kukaba na kuichezesha timu.

“Najua Joseph Zutah atafaa, hivyo muambie nia yangu pamoja nia yangu ya kumleta Yanga, asiwe na hofu kwa kuwa msimu ujao watashiriki michuano ya Kombe la Shirikisho,” ilieleza sehemu ya ujumbe huo.

Pluijm ameondoka nchini jana na leo alitarajia kusaini mkataba wa mwaka mmoja kuifudisha Shaola ya Saudi Arabia ambayo itakuwa ikimlipa dola 20,000 kwa mwezi.

Lakini ameahidi kuisaidia Yanga kupata mshambuliaji mmoja na kiungo ambaye alipendekeza atafutwe hata kabla ya Domayo kujiunga na Azam FC kwa kitita cha Sh milioni 70.

Pamoja na kuifundisha Berekum Chelsea kwa mafanikio, Pluijm ambaye ameoa mke raia wa Ghana aliwahi kuifundisha Madeama na Zutta ni kati ya wachezaji aliowanoa wakati akiwa kocha nchi Ghana.

SOURCE`; CHAMPIONI