HII KALI, MASHABIKI WAVAMIA MAZOEZI ARGENTINA, MMOJA KAMA RONALDINHO, MWINGINE AFUTA VIATU VYA MESSI

Mshabiki wa soka bana! Juzi wamevamia mazoezi ya kikosi cha timu ya taifa ya Argentina, inayojiandaa na Kombe la Dunia na mechi yao ya kwanza ni dhidi ya Bosnia.

Lakini kichekesho zaidi kilikuwa kwa mashabiki wawili, wote wakimlenga Lionel Messi, wa kwanza anafanana na nyota wa zamani wa Brazil, Ronaldinho, hali iliyomchanganya Messi akadhani mchezaji mwenzake huyo wa zamani Barcelona anakwenda kumsalimia.

Alipomkaribia, ndiyo akagundua jamaa anafanana na Ronaldinho naye akajiongeza na kuvaa jezi ya timu anayochezea Mbrazil huyo, kwao Brazil.

Hata hivyo walinzi walimdaka na kumtoa uwanjani, wakati huo Messi alikuwa anacheka akionyesha kushangazwa na hilo.

Mwingine aliyefanikiwa kumfikia Messi, haraka alitoa kitambaa na kufuta viatua vyake na baadaye akamkumbatia, naye pia alitolewa.

Mashabiki wengine waliendelea kubaki jukwaani wakiimba na kuipa nguvu timu yao kwamba safari hii, kombe ni lao.