KIONGOZI YANGA ATAKA SIMBA WAACHANE NA FITNA WACHAGUANE

Mwenyekiti wa Matawi ya Klabu ya Yanga, Mohammed Msumi, amewataka watani wao wa jadi, Simba kuwa makini na fitna zinazoendelea katika mchakato wa uchaguzi mkuu ambao unatarajiwa kufanyika Juni 29, mwaka huu.

Simba inatarajiwa kufanya uchaguzi mkuu wa viongozi wapya baada ya uongozi wa awali uliokuwa chini ya mwenyekiti, Ismail Aden Rage kumaliza muda wake.

Msumi amesema kwa sasa wanachama wa timu hiyo wanatakiwa wakae pamoja ili wakubaliane kuliko kuruhusu fitna ambazo hazina faida yoyote kwao.

“Vizuri sheria zikafuatwa, kama kuna mtu amechinjiwa baharini na anaona ni haki, basi akae kimya badala ya kuendeleza malumbano kupindukia, si sahihi wataimaliza timu yao," alisema.