KISIGA AZIAMBIA TIMU ZA MIKOANI, YEYE NI MDAR ES SALAAM

KISIGA (WA KWANZA KUSHOTO WALIOSIMAMA) AKIWA NA KIKOSI CHA MTIBWA SUGAR.

Kiungo mkongwe wa Mtibwa Sugar, Shaaban Kisiga, ameibuka na jipya baada ya kusema hataki kabisa kuzichezea timu za mikoani kwa kuwa huko hakuna changamoto.

Kisiga kwa nyakati tofauti alishawahi kucheza Simba na Azam kabla ya kutua Mtibwa misimu miwili iliyopita na sasa amemaliza mkataba, yupo huru.

Akizungumza na Championi Jumamosi, kiungo huyo alisema kuwa hapendi kwenda kucheza mikoani kwa kuwa anajua huko hakuna wachezaji watakaompa changamoto ya kuhakikisha anajituma ili apate nafasi kwenye kikosi cha kwanza tofauti na timu za Dar.

“Timu za mikoani zimenifuata lakini siwezi kwenda huko kwa kuwa hakuna changamoto ambayo ninaitaka,  binafsi napenda kuona timu ninayochezea inakuwa na wachezaji wazuri wenye viwango vya juu na pia ya kunipa presha ili na mimi nipate changamoto ya kujituma zaidi,” alisema Kisiga.

SOURCE: CHAMPIONI JUMAMOSI