KROOS: MADRID AU MANCHESTER NITAAMUA BAADA YA KOMBE LA DUNIA

Kiungo nyota wa Bayern Munich Toni Kroos amesema anahitaji kuweka nguvu zake nyingi kwenye Kombe la Dunia akiwa na timu ya taifa ya Ujerumani.

Amewaambia waandishi wa habari wa Hispania kwamba, baada ya Kombe la Dunia, ndiyo ataweka wazi anataka kwenda Real Madrid au Manchester United.

“Zote ni timu kubwa kama Bayern, lakini kwa sasa ningependa kuwekaza nguvu zangu kwenye Kombe la Dunia.

“Nipeni muda, baada ya hapo ndiyo nitakuwa tayari kusema ninakwenda wapi.

“Maana nitakuwa nimemaliza mazungumzo ambayo kuyafanya lazima Kombe la Dunia liwe limepita,” alisema Kroos.

Tayari Real Madrid ndiyo wanaonekana kuwa na nafasi zaidi ya kumnasa Kroos.

Kroos ana mkataba na Bayern Munich hadi mwaka 2015 lakini inaonekana ataondoka kutokana na nguvu ya Madrid ambayo inapewa nafasi ya kumnasa.