SAA A 18 BAADA YA KUTUA DAR ES SALAAM, JAJA AUNGANA NA YANGA NA KUANZA MAKAMUZI

Saa 18 baada ya kutua nchini, mshambuliaji mpya wa Yanga, Geilson Santos Santana maarufu kama Jaja ameanza mazoezi na kuwavutia wengi.

Jaja raia wa Brazil ameonyesha ni mtu mwenye juhudi na anayependa kujituma na ameshiriki na wenzake bila ya kuonyesha alikuwa na uchovu wa safari.

Safari yake kutoka Sao Paulo, Blazil kupitia Johannesburg, Afrika Kusini ilimchukua zaidi ya saa 12 na nusu lakini leo amekuwa fiti kufanya mazoezini.

Jaja alishiriki mazoezi ya Yanga leo asubuhi kwenye Uwanja wa Shule ya Sekondari ya Loyola jijini Dar.

Raha zaidi hakuonyesha ugeni wowote zaidi ya kushiriki vilivyo mazoezi na wenzake.

Mbrazil huyo ameungana na Wabrazil wengine watatu walio katika kikosi cha Yanga ambao ni Marcio Maximo, Leonaldo Leiva na Andrey Coutinho.