BALE AUPONDA UWANJA WA ANDORRA, ASEMA HAJAWAHI KUCHEZA KWENYE UWANJA WA OVYO KAMA HUO

Pamoja na kufunga mabao mawili, Gareth Bale ameuponda kinoma Uwanja wa Taifa wa Andorra akisema ni bomu kuliko yote aliyowahi kuitumia katika maisha yake.

Akiwa na timu yake ya taifa ya Wales, Bale alifunga mawili na kuiwezesha kuibuka na ushindi wa mabao 2-1 ikiwa ugenini.

Mechi hiyo ilikuwa ya kuwania kucheza michuano ya Euro 2016.

Bale alisema ilikuwa kazi kumiliki mpira, pia ilimuwia vigumu sana kuweza kupiga mpira uende unapotakiwa.

“Wakati mwingine ulidunda na kwenda sehemu ambayo si sahihi huku raba nyeusi zikiruka juu, uwanja wa ajabu kabisa,” alisema Bale ambaye ndiye mchezaji ghali zaidi duniani baada ya kusajiliwa na Real Madrid kwa pauni milioni 86 akitokea Tottenham.