MAKOCHA NANE WAWANIA KUMRITHI KOCHA MHINDI WA AZAM FC

Uongozi wa Azam FC umesema nafasi ya kocha wake wa timu ya vijana, Vivik Nagul aliyerejea kwao India utazibwa na makocha kati ya wanane.

Lakini ukafafanua kwamba hakuna kocha ambaye ameishapata nafasi hiyo, badala yake Kocha Mkuu wa Azam FC, Joseph Omog ameachiwa nafasi ya kuangalia nani atafanya naye kazi.

“Kweli kuna makocha wanane ambao ndiyo tunaangalia kati ya hao, nani azibe nafasi ya Nagul.

“Nimesikia magazeti yanaandika (Patrick) Liewig kutoka Ufaransa ndiye tumemuajiri. Ukweli abdo na Omog ataamua.

“Baada ya hapo ndiyo tutatangaza, lakini sasa bado uamuzi wa mwisho haujafikiwa,” alisema Mwenyekiti wa Azam FC, Said Mohammed.

Nagul ameamua kurejea kwao baada ya kupata dili la kuifundisha timu moja nchini humo.