SUAREZ APIGA BAO MBILI AKIICHEZEA BARCELONA B

Straiika Mruguay, Luis Suárez ameanza kujiwekea baraka ya mabao baada ya kufunga mawili leo akiichezea barcelona B.

Suarez amefunga mabao hayo mawili wakati Barcelona B ikiibuka na ushindi wa mabao 6-0 dhidi ya timu ya taifa ya vijana chini ya miaka 19 wa taifa la Indonesia.

Suarez alionyesha kuwa na kasi hali iliyodhihirisha kuwa mazoezi kati aliyokuwa anafanya na timu kubwa na ile ya wachezaji wa akiba yamekolea.

Huku akiendelea kusubiri adhabu yake aliyopewa na Fifa iishe, Suarez amekuwa akijitahidi kuwa fiti kabla ya kuungana na timu kubwa.

Alifungiwa na Fifa kutokana na kumuuma beki Giorgio Chiellini wa Italia wakati wa Kombe la Dunia nchini Brazil.