OLABA WA RUVU SHOOTING KUJIPANGA NA JKU

Timu ya Ruvu Shooting ya Pwani, leo Jumamosi inatarajia kukipiga mchezo wa kirafiki na JKU ya Zanzibar kwenye Uwanja wa Mabatini, Kibaha.

Ruvu inayonolewa na Kocha Mkenya, Tom Olaba imepanga kufanya makubwa zaidi msimu ujao wa ligi kuu unaotarajiwa kuanza kutimua vumbi Septemba 20, mwaka huu.

Ofisa Habari wa timu hiyo, Masau Bwire amesema kuwa mechi hiyo itampa fursa kocha ya kutambua mapungufu yake mapema kabla ligi haijaanza.

“Kocha bado yupo kwenye uangalizi wa kikosi chake, mapungufu na nini kinatakiwa kuongezwa, ni mechi nzuri itakayompa mwanga zaidi,” alisema Bwire.