PAMOJA NA KIPIGO, NDANDA WATAMBA KUENDELEA KUTAMBA LIGI KUU

Pamoja na kupoteza mechi yao ya pili kwa kufungwa mabao 3-1 dhidi ya Mtibwa Sugar, Ndanda FC wametamba bado wana uwezo wa kufaya vema.

Kocha wa Ndanda FC, Denis Kitambi amesema kikosi chao kina nafasi ya kuendelea kutamba.

“Tulianza vizuri kwa ushindi mkubwa zaidi wa mabao manne dhidi ya Stand.

“Lakini tukapoteza dhidi ya Mtibwa Sugar, hii inaonyesha ligi ni ngumu kiasi gani.

“Haina maana kwamba tutashindwa kufanya vema, tunajirekebisha kama wenzetu na baada ya hapo tunaendelea kupambana.

“Tunajiamini kwa maana ya uwezo na kwenye makosa tunajipanga upya,” alisema Kitambi.

 Ndanda FC imepanga Ligi Kuu Bara msimu huu sambamba na Polisi Moro na Stand United.

Ilianza mechi yake ya kwanza ya ligi kwa kishindo kwa kuitwanga Stand United kwa mabao 4-1.