MANCINI AIBUKA NA KUSEMA LIVERPOOL NI NAFASI YA MWISHO YA BALOTELLI

Kocha maarufu barani Ulaya, Roberto Mancini ameibuka na kusema anaamini Liverpool ndiyo nafasi ya mwisho kwa mshambuliaji Mario Balotelli.

Mancini aliwahi kuwa kocha wa Balotelli wakati wote wakiitumikia Man City na walikuwa wakilumbana mara kwa mara kocha huyo akimtuhumu Balotelli kwa utovu wa nidhamu.

Balotelli ameanza kwa kusuasua na Liverpool akiwa amejiunga nayo kwa kitita cha pauni milioni 16 akitokea AC Milan ya Italia.

Mancini amesema Balotelli ana nafasi ya kuonyesha alichonacho sasa.

Amesisitiza iwapo atafeli Liverpool, basi atakuwa amejiweka katika wakati mgumu.

Hadi sasa Balotelli amefunga bao moja tu akiwa na Liverpool, lakini Mancini amesema anaweza akafanya vizuri zaidi kama walipokuwa pamoja Inter Milan na baadaye Manchester City.