FUNZO ALILOPATA MDAU EVANS MHANDO HUKO CHINA

MHANDO AKIZUNGUMZA NA MAMA MMOJA WA MASHABIKI WA CHINA WALIOKUWA UWANJANI.

Mmoja wa wadau wakubwa wa blog ya SALEHJEMBE ni Evans Mhando. Wengine wanamkumbuka wakati akipiga kazi pale TBC.

Sasa Mhando yuko masomoni nchini China na jana alijitokeza kucheki mechi kati ya wenyeji na New Zealand.

Mechi hiyo ya kimataifa iliisha kwa sare ya 0-0. Mhando alikuwa mmoja ya waliokuwa uwanjani na akasema alipata funzo kubwa.

“Tofauti na nyumbani, hapa kwenye mechi nimeona wasichana wadogo, kina dada, kina mama na hata kina bibi kwa wingi sana.

“Tofauti na nyumbani na hii inatokana na kwamba, wenzetu hawana tabia mbaya za kutukana matusi.

“Uwanjani inaonekana suala la matusi ni kawaida, hivyo linawakimbiza wanawake wengi na hasa watu wazima. Inabidi tubadilike, kwa kweli nimepata funzo kubwa,” anasema Mhando.

Yeye amejifunza, kawa wazi amewapasia wasomaji wa blog hii, kazi kwenu.