MGAMBO WAIAMBIA YANGA IENDE IKAMTWAE KIUNGO WAO KAMA INAMTAKA

Uongozi wa timu ya Mgambo JKT, umesema upo tayari kumuachia kiungo Sabry Makame anayewindwa na Yanga, wakati huu wa usajili wa dirisha dogo.

Yanga inataka kumsajili kiungo huyo ili kuimarisha nguvu katika safu yake ya kiungo baada ya kumkosa Jonas Mkude aliyejipiga kitanzi cha miaka miwili Simba.

Kocha wa Mgambo JKT, Bakari Shime, amesema wao hawana kipingamizi kwa  mchezaji huyo kuondoka  kwenda timu yoyote ile itakayofuata taratibu na kufikia makubaliano.

Alisema wao ni timu ambayo inakuza vipaji vya wachezaji na baada ya hapo timu nyingine zikitaka kuwasajili wanawaruhusu ili kuendeleza vipaji vyao.

“Sisi ni kama akademi ya kukuza vipaji vya wachezaji na baada ya kuonyesha kiwango kizuri tunawaruhusu kwenda kucheza timu yoyote inayowahitaji na kuendeleza vipaji,” alisema Shime.