MWADUI FC YA JULIO YAENDELEA KUCHANJA MBUGA, YAIPIGA KANEMBWA 5-0

Kikosi cha Mwadui FC ya Shinyanya kinachonolewa na Kocha Jamhuri Kihwelo ‘Julio’ kimeendelea na kutoa vipigo katika Ligi Daraja la Kwanza Tanzania Bara.

Katika mchezo wa leo, Mwadui FC imeitwanga JKT Kanembwa kwa mabao 5-0 kwao.

Kikosi cha Julio ambacho kilianza ligi kwa kusua kutokana na kufungwa bao 1-0 na Toto African ya Mwanza iliyokuwa nyumbani, sasa kinaonekana kubadili gia na kwenda kasi.

Kikosi cha Mwadui kinaundwa na wachezaji wengi wakongwe kama Mohammed Banka, Bakari Kigodeko, Said Sued ‘Panucci’ na Juma Jabu.