DADA ASHINDWA KUJIZUIA, AMWAGA CHOZI HADHARANI KISA KIPIGO CHA YANGA

Shabiki mmoja wa Yanga, mwanadada alishindwa kujizuia na kujikuta akimwaga machozi kwenye Uwanja wa Taifa jijini Dar es Saalam.

Dada huyo aliyekuwa kwenye jukwaa la VIP, alimwaga chozi kila muda ulivyokuwa ukisonga katika mechi ya Nani Mtani Jembe wakati Simba ikiongoza kwa bao moja.

Simba ilipopata bao la pili, dada huyo aliendelea kulia. Licha ya kuonyesha anataka kujikaza, alishindwa kujizuia.

Dakika ya 80, aliamua kuondoka zake uwanjani hapo kuonyesha ameshindwa kabisa kuvumilia huku baadhi ya mashabiki wakionyesha kumuonea huruma.