BAADA YA SARE YA AZAM, KOCHA GORAN ASEMA WATAIKOMALIA NAFASI YA PILI

Kocha Mkuu wa Simba, Goran Kopunovic amesisitiza wataendelea kupambana kupata nafasi ya pili.

Kuponovic raia wa Serbia amesema wana uwezo wa kupata nafasi ya pili kama watashinda mechi tatu mfululizo.

“Inawezekana kabisa, kinachotakiwa sisi ni kushinda mechi zetu tatu zinazokuja.

“Baada ya mechi hizo, litafuatia suala la kuangalia wapinzani wetu Azam FC wanakwenda vipi.

“Kwa sasa kitu cha msingi kwetu ni kushinda mechi zetu tatu mfululizo, halafu tunaweza kutulia na kuangalia hesabu upya.

“Morali ya wachezaji ipo juu, tunaamini tunaweza kufanya vizuri zaidi,” alisema Kopunovic.

Simba iko katika nafasi ya tatu ikiwa na pointi 35 wakati Azam FC imetoka sare ya bila kufungana na Mgambo Shooting leo na kufikisha pointi 39.