MTHAILAND ANAYEKUJA KUMVAA CHEKA ATUA JIJINI DAR ES SALAAM

SINGWACHA

Bondia Kiatchai Singwancha tayari ametua jijini Dar es Salaam kumvaa Francis Cheka.

Cheka anapanda ulingoni kupambana na Mthai huyo keshokutwa Jumamosi kwenye Ukumbi wa PTA jijini Dar es Salaam.

Singwancha ameonekana kujiamini na kusisitiza kwamba ana uhakika atafanya vizuri.

Mara baada ya kutua kwenye Uwanja wa Ndege wa Julius Nyerere (JNIA), leo mchana, bondia huyo alionekana kuwa kivutio kwa wengi kutokana na ukubwa wa umbo lake, maana ni mrefu, mwembamba na anaonekana kuwa na mwili uliojengeka vema kimazoezi.