ISHU YA CHAKULA CHA USIKU CHA BENZEMA, RIHANNA CHAZUA GUMZO UFARANSA, PICHA YAKE NA DRAKE NAYO SHIDAA

Chakula cha usiku walichokula mshambuliaji nyota wa Real Madrid, Karim Bendema na mwanadada nyota wa muziki wa pop, Rihanna kimezua gumzo.

Vyombo mbalimbali vya habari nchini Ufaransa vimendika kwamba ndiyo mwanzo wa uhusiano wa mapenzi kwa wawili hao waliokutana jijini New York na kupata chakula pamoja.

Gumzo lilikuwa zaidi wakati wanatoka, kila mmoja alichukua njia yake lakini mapaparrazzi wakaushitukia mchezo.

Lakini vyombo vya habari wa Uingereza vimeamsha gumzo tena baada ya Benzema kujiachia akiwa na rapa Drake, huku wakisema vema angekuwa Berlin ambako leo kuna fainali ya Ligi ya Mabingwa kati ya Barcelona na Juventus.

RIHANNA.

Daily Mail ndiyo limeamsha msala huo kwa Uingereza, lakini hiyo haimzuii Benzema kula bataaaa.