 |
| MWINYI |
Mara baada ya kujiunga na Yanga, beki mpya wa
pembeni wa timu hiyo, Haji Mwinyi Mngwali, ameomba jezi namba 20 iliyokuwa
ikivaliwa na Mganda, Hamis Kiiza aliyetua Simba.
Kiiza aliiacha jezi hiyo baada ya mkataba wake
kusitishwa na aliyekuwa Kocha Mkuu wa Yanga, Marcio Maximo, msimu uliopita.
Haji ambaye ni beki wa kushoto ambaye atakuwa
akiwania namba na Oscar Joshua, ametua kuichezea klabuni hapo akitokea KMKM
inayoshiriki Ligi Kuu ya Zanzibar.
Haji aliivaa jezi hiyo juzi kwa mara ya kwanza
katika mechi ya kirafiki ya Yanga dhidi ya KMKM kwenye Uwanja wa Taifa ambayo
ilimalizika kwa Yanga kushinda bao 1-0 lililofungwa na Donald Ngoma.
Haji
amesema: “Nimeona hii jezi ndiyo inayonifaa, hakuna mtu aliyenishawishi kuivaa,
niliiomba baada ya kuambiwa kuwa hakuna mchezaji anayeivaa, hivyo nikaona
niichukue niivae.”
0 COMMENTS:
Post a Comment