MKUU WA MSAFARA STARS ASEMA: NIMERIDHIKA NA KAMBI YA UTURUKI

MGOYI AKITUATILIA MAZOEZI YA STARS LEO ASUBUHI.

Na Saleh Ally, Kertepe

Mkuu wa Msafara wa Kikosi cha timu ya taifa, Msafiri Mgoyi amesema ameridhishwa na kambi ambayo Taifa Stars wameweka.

Mgoyi amesema ameridhika baada ya Stars kuwasili katika mji mdogo wa Kartepe ambaye uko juu kabisa ya mlima.

“Kambi ni nzuri kwa maana ya malazi, chakula lakini pia vifaa kama viwanja, mipira na vingine.

“Kabla ya kukuleza maoni yangu, nimezungumza na walimu na hata wachezaji wameridhika na kambi hii.

“Wewe unaweza kuwa shahidi kwamba kambi hii tumeifuata kutoka mbali sana. Lakini hakuna hata mmoja anaweza kulalamika kutokana na ubora wa kambi,” alisema Mgoyi.

Stars inaendelea kujifua mjini hapa kuhakikisha inafanya vema katika mechi yake ya kuwania kucheza Afcon itakapokutana na Nigeria Sepremba 5 jijini Dar es Salaam.