 |
| FRIENDS |
Timu ya Kauzu FC ya Temeke, juzi Jumamosi ilifanikiwa kutinga
hatua ya nusu fainali ya mashindano ya Ndondo Cup yanayoendelea katika Uwanja
wa Bandari, Dar baada ya kuiondosha Burudani FC kwa changamoto ya mikwaju ya
penalti 4-2.
Kauzu ambayo imekuwa kivutio katika mashindano hayo kutokana na
kuwa na mashibiki wengi wanaofanya vituko na kushangilia muda wote wa mchezo,
ilimaliza dakika tisini ikiwa sare ya bao 1-1, ndipo zikapigwa penalti hizo.
Baada ya kufanikiwa kutinga hatua hiyo, sasa Kauzu imeungana na
timu za Makumba, Friends Rangers pamoja na Faru Jeuri kutengeneza timu ambazo
zitacheza hatua ya nusu fainali itayoanza kesho Jumanne katika uwanja huo.
Kwa mujibu wa Afisa Utawala wa Chama cha Soka Dar es Salaam
(DRFA), ambao ni wasimamizi wa mashindano hayo, Said Pambalelo, amesema kuwa
timu hiyo itacheza na Friends Rangers ya Magomeni kesho Jumanne huku Makumba
ikiiva Faru Jeuri, keshokutwa Jumatano.
0 COMMENTS:
Post a Comment