ALLAN WANGA KUJIUNGA NA AZAM FC KESHO KUANZA KAZI RASMI

Mshambuliaji mpya wa Azam FC, Alan Wanga anatarajia kujiunga na kikosi chake cha Azam FC, kesho.

Wanga raia wa Kenya amesajiliwa na Azam FC kutoka kwa El Merreikh ya Sudan.

Msemaji wa Azam FC, Jaffar Iddi Maganga amesema Wanga anatarajia kurejea nchini kesho na kuungana na wenzake.

“Wachezaji walio katika kikosi cha timu ya taifa wanarejea na kujiunga na wenzao kwa ajili ya maandalizi ya msimu mpya dhidi Prisons.

“Wanga pia ataungana na wenzake akitokea Nairobi ambako alipata msiba wa mama yake,” alisema Jaffar.

Azam FC itafungua dimba kwa kucheza na Prisons ya Mbeya, moja ya mechi zinazotarajiwa kuwa na upinzani mkali.