BAADA YA KUITWANGA AFRICAN SPORTS, COASTAL YAITUMIA SALAMU YANGA

MASHABIKI WA COASTAL UNION KWENYE UWANJA WA MKWAKWANI...

Baada ya kufanikiwa kuitwanga African Sports, Wagosi wa Kaya au Coastal Union wametamba kwamba hizo ni salamu kwa Yanga.

Coastal Union wameifunga African Sports katika mechi ya kirafiki iliyochezwa kwenye Uwanja wa Mkwakwani mjini Tanga, jana.

Timu hizo, ndiyo zina upinzani mkubwa katika historia ya soka nchini baada ya upinzani namba moja baina ya Yanga na Simba.

Msemaji wa Coastal Union, Oscar Asenga amesema wana imani kikosi chao sasa kipo tayari kwa ligi na Yanga watakaoanza nao, wakae mkao wa kula.

"Sasa tuko tayari, tumeanza na watani wetu African Sports. Sasa tuko tayari kwa ligi na tutaanza na Yanga, wakae mkao wa kula," alitamba Asenga.

Yanga ambao ni mabingwa watetezi wa Ligi Kuu Bara, watakuwa wenyeji wa Coastal Union, Jumapili ya Oktoba 13 kwenye Uwanja wa Taifa jijini Dar es Salaam.