Baada ya ushindi wa juzi wa mabao 2-1 dhidi ya Tanzania Prisons,
Kocha Mkuu wa Azam FC, Muingereza, Stewart Hall, amefungua kinywa chake na
kusema kuwa ubingwa wa ligi kuu msimu huu ni wao!
Azam ambayo ilimaliza ligi msimu uliopita ikiwa nafasi ya pili
nyuma ya mabingwa Yanga, imeanza vyema ligi ya msimu huu baada ya kufanikiwa
kushinda mabao 2-1 juzi katika mchezo uliopigwa Uwanja wa Azam Complex.
Hall amesema ushindi huo ni ishara ya kutwaa ubingwa msimu huu
licha ya kuwa ligi ni ngumu, lakini watapambana kuhakikisha wanatimiza dhamira
yao hiyo.
“Nimefurahishwa sana na
matokeo ya leo (juzi) na tumeanza vizuri safari yetu ya kuwania ubingwa, najua
ligi itakuwa ngumu sana lakini nimewaandaa vijana wangu. Nafikiri ubingwa
utabaki Chamazi,” alisema Hall ambaye kabla ya mchezo wa Yanga dhidi ya Coastal
Union jana Jumapili, timu yake ilikuwa inaongoza ligi.
0 COMMENTS:
Post a Comment