STARS YAEPUKA KUKAA MKIANI, NI YA CHAD KUCHAPWA BAO 5-1 LEO DHIDI YA MISRI

Chad ambao wako kundi moja na Taifa Stars, wamekumbana na kipigo cha mabao 5-1 wakiwa nyumbani, leo.

Misri ndiyo waliotoa adhabu hiyo kwa Chad, hivyo wanakwenda kileleni mwa Kundi G wakiwa na pointi sita baada ya ushindi wao wa kwanza wa mabao 3-0 dhidi ya Stars wakiwa nyumbani kwao Misri.

Nigeria inashika nafasi ya pili ikiwa na pointi 4 baada ya kubanwa na Stars kwa sare ya bila mabao.

Stars inashika nafasi ya tatu ikiwa na pointi moja, huku Chad wakibaki mkiani bila ya pointi baada ya vipigo viwili wakianza na kile dhidi ya Nigeria cha mabao 2-0.