BAADA YA POINTI SITA TANGA, SIMBA YATAMBA KUENDELEZA VIPIGO DAR

Simba sasa wanajiamini na wameamua kuwaita mashabiki wao wakaione timu yao ikiendeleza vipigo katika Ligi Kuu Bara, safari hii ikiwa ni kwenye Uwanja wa Taifa jijini Dar es Salaam.

Simba inashuka dimba kwenye Uwanja wa Taifa jijini Dar es Salaam, Jumapili kuwavaa Kagera Sugar.

Simba imecheza mechi mbili za ligi hiyo na kushinda zote n azote zimepigwa kwenye Uwanja wa Mkwakwani mjini Tanga dhidi ya African Sports na Mgambo.

Msemaji wa Simba, Haji Manara amesema kikosi chao kimejiandaa vema, hivyo mashabiki wajitokeze kwa wingi.

“Mashabiki wajitokeze kwa wingi kwa ajili ya kuiunga mkono timu yao. Wavae jezi mpya na waje tuungane.

“Simba inataka kupata pointi tatu katika mchezo. Tunajua Kagera ni wagumu na kikosi imara lakini Simba ni bora zaidi,” alisema Manara.