Kocha Msaidizi Yanga, Charles Boniface Mkwasa amesema
watapambana kwa kucheza kwa tahadhari kubwa katika mechi yao dhidi ya Ruvu JKT,
kesho.
Mkwasa amesema watafanya hivyo kwa kuwa wanajua timu
hiyo imetoka kupoteza mchezo.
“JKT wametoka katika kupoteza mchezo, tunajua watakuwa
wamejiandaa vilivyo kurudi katika hali ya kawaida.
“Kwa maana ya mchezo tunaamini utakuwa ni mchezo mgumu
sana, lakini tunachoomba nidhamu ya mchezo.
“Tungependa kuona watu wanacheza si kwa kurukiana kwa
lengo la kuumizana. Badala yake iwe mchezo wa ushindani,” alisema Mkwasa.
Yanga imeshinda mechi zake zote mbili za ligi dhidi ya
Coastal Union ambayo waliitwanga kwa mabao 2-0 kabla ya kuitungua Prisons kwa
mabao 3-0.
0 COMMENTS:
Post a Comment