 |
| MAYANJA (KULIA) AKIWA NA MEMBA WENGINE WA BENCHI LA UFUNDI LA COASTAL UNION... |
Coastal Union ya Tanga haina mwenendo mzuri
katika Ligi Kuu Bara kwani ipo nafasi ya 13 ikiwa na pointi sita tu, sasa kocha
wa timu hiyo Jackson Mayanja amesema akipewa mastraika watatu watatisha.
Chini ya Mayanja, Coastal imefunga bao moja tu
ikiwa imeshinda mechi moja na kutoka sare tatu zilizoifanya ifikishe pointi
sita huku ikifungwa mechi tano katika michezo tisa iliyocheza.
Mayanja raia wa Uganda amesema hadi sasa inafahamika wazi tatizo lao ni ushambuliaji na
wachezaji waliopo wameshindwa kuonyesha uwezo mzuri wa kufunga.
“Ushambuliaji ni tatizo kwetu na ndiyo maana
tunapata matokeo yasiyo ridhisha katika mechi zetu, tunapata nafasi nyingi za
kufunga lakini washambuliaji wetu hawafungi.
“Mfano halisi ni katika mechi yetu na Simba,
kipindi cha pili tulitengeneza nafasi nyingi za kufunga lakini hatukuweza
kupata hata bao moja, hili ni tatizo na suluhisho lake ni kusajili watu
wengine.
“Nikipata washambuliaji wapya watatu tu, basi
kikosi changu kitatisha, ujue timu ikikosa mshambuliaji anayejua vizuri kazi
yake lazima mfungwe tu kwani mabeki watazuia lakini kama hamfungi mtafungwa
tu,” alisema Mayanja.
0 COMMENTS:
Post a Comment