PLUIJM ASEMA HUYU NGOMA HUYU, AKIZOEA LIGI KUU BARA, KAZI MNAYO...

PLUIJM AKIWA NA NGOMA.

Kocha Mkuu wa Yanga, Hans van der Pluijm amesema Donald Ngoma ana uwezo wa kuwa tishio zaidi ya sasa kama atazoea zaidi mikiki ya Ligi Kuu Bara.

Pluijm raia wa Uholanzi amesema Mzimbabwe huyo ni mchezaji mwenye uchu na si mwoga.

“Anataka kushinda, anapenda kupambana na anafurahia kufunga. Anaweza kuwa hatari zaidi kama atazoea zaidi mazingira ya uchezaji wa ligi kuu.

“Unajua kila anvyocheza mechi ndiyo anajifunza. Ninaamini atakuwa bora zaidi na kufanya vizuri zaidi,” alisema Pluijm.

Ngoma ni kati ya washambuliaji wenye kasi na uwezo mkubwa wa kumalizia.

Pia mshambuliaji huyo aliyejiunga na Yanga akitokea FC Platnums ya Zimbabwe ni kati ya wachezaji hatari kwa mipira ya kichwa.