KIONGERA, ISIHAKA WATUPWA JUKWAANI SHINYANGA SIMBA IKIIWAVAA WATOTO WA JULIO

ISIHAKA

Huku homa ya pambano kati ya Mwadui FC na Simba ikipanda tayari nyota wa Msimbazi imedhibitishwa kuwa hatacheza mechi hiyo. 

Nyota hao ambao watakosekana kwenye kikosi cha Simba ni beki wa kati Hassan Isihaka na kiungo mshambuliaji Paul Kiongera ambao wanasumbuliwa na majeraha mbalimbali.

Kocha wa Simba, Dylan Kerr alisema anasikitika kumkosa mchezaji huyo katika mchezo huo mgumu.

“Nasikitika sana kumkosa Isihaka ambaye anasumbuliwa na tatizo la nyonga lakini pili anasumbuliwa na maumivu ya goti, hivyo hataweza kucheza na nafasi yake tayari itachukuliwa na Mohamed Faki,” alisema Kerr.

Hata hivyo, kwa upande wake Kocha wa Mwadui, Jamhuri Kihwelo ‘Julio’ alisema atahakikisha kikosi chake kinafanya vizuri katika mchezo huo na wachezaji wake wapo vizuri.

“Siye tunasubiri muda tu ili tukawatoe nishai Simba, nina timu nzuri wala siogopi lolote kuhusu mechi hii,” alisema Julio ambaye ni kocha wa zamani wa Simba.