NGOMA APATA MSIBA KWAO ZIMBABWE, YANGA YAMPA RUHUSA AENDE KUSHIRIKI MAZISHI

Mshambuliaji nyota wa Yanga, Donald Ngoma amerejea kwao nchini Zimbabwe.

Ngoma amerejea kwao baada ya kupatwa na msiba wa mdogo wake ambaye inaelezwa amefariki dunia baada ya kugongana na mwenzake akiwa uwanjani.

Msemaji wa Yanga, Jerry Muro amesema kutokana na msiba huo mzito kwa Ngoma, wamempa ruhusa kurejea kwao Zimbabwe.

“Ni msiba mzito kwake, hivyo anaondoka kwenda Zimbabwe kushirikiana na familia yake katika jambo hilo. Uongozi wa Yanga unatoa pole kwake pamoja na familia yake,” alisema.

Ngoma ni mshambuliaji hatari wa Yanga na amekuwa tegemeo kutokana na uwezo wake mkubwa wa kufunga mabao na kuwasumbua mabeki wa timu pinzani.