UNAFIKIRI NGOMA MAMBO YAKE ALIANZIA HUKU BONGO? SOMA HAPA ANACHOKISEMA KINNAH PHIRI

Umeona tabia ya kibabe ya mshambuliaji wa Yanga, Donald Ngoma? Basi usifikiri kaanza juzi au jana, Kocha Mkuu wa Mbeya City, Kinnah Phiri anamjua vizuri

Ngoma, raia wa Zimbabwe, amekuwa gumzo kwa uwezo wa kufunga mabao na matumizi ya nguvu awapo uwanjani kiasi cha kuwachosha mabeki wengi wa timu pinzani.

Phiri, raia wa Malawi, aliliambia Championi Jumamosi kwamba, anamfahamu vizuri Ngoma tangu alipokuwa anacheza FC Platinum ya Zimbabwe kuwa ni ‘mtu wa kazi’ awapo uwanjani.

“Namjua vizuri Ngoma kwamba ni mtu asiye na mzaha anapokuwa mbele ya lango la timu pinzani, nilimfuatilia wakati naifundisha Malawi kwani ilikuwa kazi yangu kumjua mchezaji wa nchi jirani.

“Bahati nzuri sijawahi kukutana naye nikiwa kocha na yeye timu pinzani, ni mtu anayejua wajibu wake na kama ukimpanga na beki mwenye wasiwasi atafanya anavyotaka,” alisema Phiri.